Nilinaw ng beauty queen-actress na si Kylie Verzosa ang tungkol sa "misleading" na caption ng isang pahayagan kaugnay sa kanila ng ex-boyfriend na si Jake Cuenca.
Mababasa sa caption ng online na pahayagan, "Kylie Verzosa revealed that she's still not on good terms with her ex-boyfriend Jake Cuenca, almost two years after their breakup."
Ibinahagi ito ni Kylie sa kaniyang X at kinomentuhan. Aniya, bagama't hindi sila nakakapag-usap ni Jake, hindi naman daw nangangahulugang hindi sila on good terms.
"I never said this- we may never have spoken again, but we both wish each other well," ani Kylie.
JC De Vera, na-offend sa 'biro' ni Alex Gonzaga
Kinuyog naman ng mga netizen ang comment section ng online article.
"Queen Kylie doesn’t deserve the fake news"
"sino writer and source nito, kulang sa research!"
'Misleading caption, ano ba yan..."
"corrected by Kylie Verzosa herself..."
Samantala, hindi pa burado ang nabanggit na online article ng nabanggit na pahayagan habang isinusulat ang balitang ito.
