Nabigong makapag-uwi ng medalya si Pinoy pole vaulter EJ Obiena matapos bumagsak sa ika-9 na puwesto sa 2024 World Athletics Indoor Championships sa Glasgow, Scotland nitong Linggo, Marso 3 (Lunes sa Pilipinas).
Dismayado ang nasabing world No. 2 at Asian record holder nang talunin lamang nito ang 5.65 metro -- ang pinaka-malamyang sabak nito mula nang lagpasan niya ang 5.60 metro sa Weltklasse Zurich outdoor event sa Switzerland noong Agosto 2023.
Hindi naging impresibo si Obiena kumpara sa nakaraang dalawang indoor event sa Croatia at Berlin sa Germany.
PBA, hinihingi panig ni Amores; makabalik pa kaya sa liga?
Katulad ng inaasahan, napanatili ni world record holder Armand Duplantis (Sweden) ang titulo matapos talunin ang 6.05 metro.
Nakuha ng Amerikanong si Sam Kendricks ang silver medal makaraang lagpasan ang 5.90 metro.
Naiuwi naman ni Emmanouil Karalis (Greece) ang bronze medal (5.85 metro).
Kristel Satumbaga-Villar
