Nasagip ang anim na pasahero at tripulante sakay ng isang tumaob na bangka sa Pangutaran Island, Sulu kamakailan.
Sa ulat ng Philippine Coast Guard (PCG), patungo na sana sa Zamboanga City ang M/B Lorena mula sa Mapun, Tawi-Tawi nang hampasin ng malakas na hangin at malalaking alon.
Probinsya
Lalaki sa Davao, inatake at sinakal ang 19-anyos na babae na kapuwa pasahero sa jeep
Dahil dito, tumaob ang bangka 38 kilometro sa hilagang kanluran ng nasabing isla nitong Pebrero 17.
Napadaan naman sa lugar ang MV Navios Lumen, isang cargo vessel na patungo na sana sa Australia, at nailigtas ang anim.
Idinagdag pa ng PCG, maayos na ang kalagayan ng anim na pasahero at tripulante.
