Ipinahayag ni Pangulong Ferdinand “Bongbong” Marcos Jr. nitong Biyernes, Pebrero 9, na kaisa ang Pilipinas sa pagdarasal para sa agarang paggaling ni King Charles III mula sa cancer.
“Sending my heartfelt best wishes to King Charles and Queen Camilla,” ani Marcos sa isang X post.
“The Philippines is with the United Kingdom in praying for the King's swift and full recovery,” dagdag pa niya.
Noong Lunes, Pebrero 5, nang ianunsyo ng Buckingham Palace na na-diagnose si King Charles na may cancer.
King Charles III, na-diagnose na may cancer
“During the King’s recent hospital procedure for benign prostate enlargement, a separate issue of concern was noted. Subsequent diagnostic tests have identified a form of cancer,” pahayag ng palasyo noong Lunes.
Sinimulan na raw ng hari ang schedule ng kaniyang regular treatments, kung saan pinayuhan siya ng mga doktor na ipagpaliban muna ang “public-facing duties.”
Matatandaan namang kasama si Pangulong Marcos at First Lady Liza Araneta-Marcos sa mga inimbitahang dumalo sa coronation ni King Charles III noong May ng nakaraang taon.
https://balita.net.ph/2023/05/06/bago-ang-koronasyon-ni-king-charles-iii-pbbm-binanggit-ang-thriving-relationship-ng-ph-uk/
