Binigyang-diin ni Pangulong Ferdinand “Bongbong” Marcos Jr. na hindi isang “political game plan” ang “Bagong Pilipinas,” at wala raw itong ibang agenda kundi mapabuti ang estado ng bansa.
"Bagong Pilipinas transcends this administration. To those whose overheated imagination has been poisoned by toxic politics, Bagong Pilipinas is no Trojan Horse. It conceals no agenda," giit ni Marcos sa kaniyang talumpati sa “Bagong Pilipinas” kick-off rally nitong Linggo, Enero 28.
Samantala, sinabi rin ng pangulo na hindi “political game plan” ang Bagong Pilipinas campaign ng administrasyon.
“Bagong Pilipinas is not a political game plan that caters to a privileged few. It is a masterplan for genuine development that benefits all our people. Bagong Pilipinas serves no narrow political interests, it serves the people,” ani Marcos.
Matapos rebelasyon ni Garma: Ex-Pres. Duterte, dapat nang kasuhan – Rep. Castro
"Bagong Pilipinas is not a new partisan coalition in disguise. It is a set of ideals that all us Filipinos, regardless of political creed or religion or wealth, can coalesce around," dagdag pa niya.
Ayon pa sa pangulo, ang Bagong Pilipinas ay isang imbitasyon para sa lahat upang muli raw maisapuso ng bawat isa ang kanilang pagka-Pilipino.
Bukod dito, isa rin daw panawagan ang Bagong Pilipinas para sa pagpapabuti ng ekonomiya ng bansa.
Naganap ang Bagong Pilipinas kick-off rally sa Quirino Grandstand, kung saan hindi umano bababa sa 400,000 ang dumalo rito.
