Matapos siyang sabihang “drug addict,” iginiit ni Pangulong Ferdinand “Bongbong” Marcos Jr. na tumitira si dating Pangulong Rodrigo Duterte ng “fentanyl.”
“I think it’s the fentanyl. Fentanyl is the strongest pain killer that you can buy. It is highly addictive, and it has a very serious side effects,” ani Marcos sa isang ambush interview nitong Lunes, Enero 29.
“PRRD has been taking the drug for a very long time now,” dagdag pa niya.
Sinabi rin ni Marcos na lima o anim na taon na raw ang nakalilipas mula nang sabihin ni Duterte na gumagamit siya ng “fentanyl.”
Agusan del Sur, nilindol ng magnitude 5.3
“After five, six years, it has to affect… Kaya palagay ko nagkakaganiyan. I hope his doctors take better care of him,” saad pa ng kasalukuyang pangulo.
Matatandaang sinabi ni dating Pangulong Duterte nitong Linggo, Enero 28, na “drug addict” umano si Marcos.
“May drug addict tayo na presidente,” giit ni Duterte.
MAKI-BALITA: PBBM ‘bangag’, ‘drug addict’, sey ni ex-Pres. Duterte
Nito lamang Lunes, Enero 29, itinanggi ng Philippine Drug Enforcement Agency (PDEA) na kasama si Marcos sa kanilang drug watchlist.
MAKI-BALITA: PDEA, kinontra si ex-Pres. Duterte; itinangging nasa drug watchlist si PBBM
