Ipinahayag ni Pangulong Ferdinand “Bongbong” Marcos Jr. nitong Linggo, Enero 28, na wala raw puwang sa pamahalaan ang tamad at makupad.
Sa kaniyang talumpati sa “Bagong Pilipinas” kick-off rally, sinabi ni Marcos na dapat magsilbing mabuting halimbawa ang mga kawani ng gobyerno para sa taumbayan.
“Bawal ang tamad at makupad sa pamahalaan. Walang puwang ang mga mabagal at sagabal sa serbisyo-publiko,” ani Marcos.
“Services must be fast, projects must be completed on time, deadlines must be met per schedule,” saad pa niya.
Mayor Duterte kay PBBM: ‘You are lazy and you lack compassion’
Binanggit din ng pangulo na palitan na raw dapat ng mga kawani ng gobyerno ang kanilang “sungit” ng “ngiti.”
Ang naturang pahayag ni Marcos ay matapos igiit ni Davao City Mayor Sebastian “Baste” Duterte nito ring Linggo na tamad daw siya at at kulang sa “compassion” bilang punong ehekutibo ng bansa.
Bukod dito, sinabi pa ni Mayor Duterte na dapat na raw magbitiw sa pwesto ng pagkapangulo si Marcos kung wala raw itong pag-ibig para sa bansa.
https://balita.net.ph/2024/01/28/davao-city-mayor-duterte-pinagre-resign-si-pbbm/
