Inaresto ng pulisya ang isang lider ng New People's Army (NPA) na nahaharap sa patung-patong na kaso sa Misamis Occidental, kamakailan.
Sa pahayag ni Philippine National Police-Criminal Investigation and Detection Group (CIDG) director Maj. Gen. Romeo Caramat, Jr., inaresto si Matias Gaquit sa Tangub City Jail nitong Enero 19 sa bisa ng warrant of arrest na ipinalabas ng Sindangan, Zamboanga del Norte Regional Trial Court nitong Enero 10 sa kasong murder.
Sinabi ni Caramat, dati nang dinakip si Gaquit sa Mayor Hilarion A. Ramiro Sr. Medical Center sa Barangay Gango, Ozamiz City, Misamis Occidental sa kasong murder, rebellion at frustrated homicide nitong Enero 4.
Probinsya
Catanduanes, niyanig ng magnitude 6.1 na lindol
Nagsisilbi si Gaquit bilang unang deputy secretary ng Guerrilla Front Sendong ng NPA-Western Mindanao Regional Party Committee, ayon naman sa 1st Infantry Division ng Philippine Army.
PNA
