61% ng mga Pinoy, sang-ayon sa pagtugon ng PBBM admin sa WPS issue – OCTA

By MJ Salcedo

January 16, 2024

In BALITA

Tinatayang 61% ng mga Pilipino ang sumasang-ayon sa paraan ng pagtugon ng administrasyon ni Pangulong Ferdinand “Bongbong” Marcos Jr. sa alitan ng Philipinas at China sa teritoryo ng West Philippine Sea (WPS), ayon sa inilabas na survey ng OCTA Research nitong Martes, Enero 16.

Sa Fourth Quarter Tugon ng Masa survey ng OCTA, inihayag nitong sa 61% ng mga Pinoy na sumasang-ayon ay 10% daw dito ang lubos na sumasang-ayon habang 51% ang medyo sumasang-ayon.

Samantala, 8% daw ang hindi sumasang-ayon sa paraan ng pagtugon ng kasalukuyang administrasyon sa isyu ng WPS, kung saan 2% daw rito ang lubos na hindi sumasang-ayon at 6% ang medyo hindi sumasang-ayon.

Nasa 31% naman daw ng kanilang respondents ang hindi makapagsabi kung sumasang-ayon sila o hindi sumasang-ayon sa pagtugon ng administrasyong Marcos sa alitan ng Pilipinas at China sa WPS.

Isinagawa umano ang nasabing non-commissioned survey mula Disyembre 10 hanggang 14, 2023 sa pamamagitan ng face-to-face interviews sa 1,200 Pinoy sa bansa na may edad 18 pataas.

Ilang bahagi ng bansa, uulanin dahil sa shear line, easterlies

Inaasahang makararanas ng mga pag-ulan ang ilang bahagi ng bansa ngayong Linggo, Oktubre 13, dahil sa epekto ng shear line at easterlies, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 4:00 ng umaga, malaki ang tsansang magdudulot ang shear line, o ang salubungan ng mainit at malamig na hangin, ng mataas na tsansa ng maulap na...

Matapos rebelasyon ni Garma: Ex-Pres. Duterte, dapat nang kasuhan – Rep. Castro

Iginiit ni ACT Teachers Party-list Rep. France Castro na dapat na umanong sampahan ng kaso si dating Pangulong Rodrigo Duterte matapos ang naging rebelasyon ni retired police colonel Royina Garma na iniutos umano nito ang pag-aalok ng reward para sa drug war killings ng kaniyang administrasyon sa bansa.Sa isinagawang pagdinig ng House quad committee nitong Biyernes, Oktubre 11, sinabi ni Garma na...

Bam Aquino, hangad hustisya para sa mga biktima ng EJK: ‘Dinadamayan natin sila’

Nagpahayag ng pagdamay si dating Senador Bam Aquino para sa mga nabiktima ng extrajudicial killings (EJK) sa bansa nitong Sabado, Oktubre 12, isang araw matapos ipahayag ni retired police colonel Royina Garma na iniutos umano ni dating Pangulong Rodrigo Duterte ang pag-aalok ng reward para sa drug war killings ng administrasyon nito.Sa isang pahayag, iginiit ni Aquino na isang madilim na bahagi ng...