Kakasuhan na ng pulisya ang isang 42-anyos na lalaking nagbantang bobombahin ang Quiapo Church nitong Enero 5.
Kasong paglabag sa Presidential Decree 1727 (Anti-Bomb Joke Law) ang isasampa sa korte laban kay Dennis Garcia, 42, taga-Quezon City.
Sa report ng National Capital Region Police Office (NCRPO), ang insidente ay naganap sa loob ng Minor Basilica of the Black Nazarene nitong Biyernes.
Metro
Marikina LGU: Ulat na dinukot ang 4 na menor de edad sa lungsod, fake news!
Sa pahayag ng testigo na si Michael Tamayo, 38, nakita niya ang suspek habang sumisigaw na pasasabugin nito ang simbahan.
Dahil dito, nag-panic ang mga nagsisimba kaya't agad na humingi ng police assistance ang testigo na nagresulta sa pagkakaaresto ni Garcia.
Nakapiit na sa Manila Police District-Station 3 (Sta. Cruz) ang suspek, ayon pa sa pulisya.
