Nagkakasakit na ang ilang residente ng Iloilo dahil sa nangyaring blackout sa Western Visayas nitong Enero 2.

Sinabi ni Iloilo 1st District Rep. Janette Garin sa isang radio interview nitong Linggo, dahil sa init ng panahon ay apektado na ang kalusugan ng mga residente sa nasasakupang lugar.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

“Apektado rin naman [ng brownout] ang buong Pilipinas dahil lahat tayo nagko-contribute sa ekonomiya. Hindi lang ‘yan ang dami na rin pong nagkakasakit kasi sobrang mainit,” pagdidiin ng kongresista na dati ring secretary ng Department of Health (DOH).

Bukod dito, aniya, nakaapekto rin sa ekonomiya at kabuhayan ng mga mangingisda at output-based work force ang malawakang power interruption sa rehiyon.

Nauna nang inihayag ng Local Economic Development and Investment Promotion Office (LEDIPO), nasa ₱400 milyon hanggang ₱500 milyon ang nawawalang kita sa rehiyon kada araw dahil sa power interruptions.

Matatandaang sinisi ni Pangulong Ferdinand Marcos, Jr. ang National Grid Corporation of the Philippines (NGCP) dahil sa pagkabigong gumawa ng hakbang upang maiwasan sana ang blackout.