Iniutos ni Pangulong Ferdinand Marcos, Jr. na bigyan ng insentibo ang pinakamalinis na lugar sa bansa.
Layunin ng hakbang ng Pangulo na matamasa ng mga Pinoy ang malinis na kapaligiran para na rin sa mga susunod na henerasyon.
Ang hakbang ni Marcos ay kaugnay ng selebrasyon ng National Community Development Day ngayong Enero 6, kung saan sisimulan ng Marcos administration ang 2024 sa pamamagitan ng Nationwide Clean Up Program sa buong bansa.
National
‘Julian,’ itinaas na sa ‘typhoon’ category
“Inaanyayahan ko kayong lahat na dumalo at sumali sa mga pagkilos, pagtitipon, at pagpapasinaya ng National Community Development Day ngayong darating na ika-6 ng Enero. That day is neither new or novel. Three Presidents before me have issued a proclamation encouraging our people to mark it in ways that best underscore the timeless ideals that community development hopes to achieve,” pahayag ni Marcos nitong Biyernes.
Dahil dito, inobliga ng Pangulo ang mga bagong talagang Barangay at Sangguniang Kabataan (SK) officials na linisin ang mga kalsada, kanal, palengke, at paaralan sa kanilang nasasakupan.
