Guests ng social media personality na si Viy Cortez at partner na si Cong TV ang mag-asawang Alex Gonzaga at Mikee Morada sa kaniyang latest vlog na "lie detector test."
Sasagutin ng mag-asawa ang mga tanong nila sa isa't isa at sa pamamagitan ng lie detector machine ay malalaman kung nagsisinungaling o totoo ba ang sagot nila.
Isa sa mga natanong ni Alex kay Mikee ay kung sinisi ba siya nito at nagalit sa kaniya nang malaglagan siya ng pinagbubuntis o miscarriage.
“Noong nag-miscarriage tayo, sinisisi mo ba ‘ko?” tanong ni Alex.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
“Hindi,” mabilis na sagot ng mister.
“Nagagalit ka sa’kin?” sundot pa ng misis.
“Hindi,” sagot ni Mikee.
Napa-wow na lang si Alex nang lumabas na "Truth" ang sinasabi ni Mikee batay sa polygraph test.
“Hindi mo naman kasalanan ‘yon eh,” paliwanag ng konsehal.
Napa-I love you na lang si Alex sa kaniyang mister dahil sa paliwanag nito.
Matatandaang ibinahagi ng mag-asawa na dalawang beses na silang nalalaglagan ng anak.
MAKI-BALITA: Alex Gonzaga, ibinahagi mga natutunan sa nagdaang miscarriage
