Naghain na ng diplomatic protest ang Pilipinas laban sa China kasunod na rin ng pag-atake ng mga barko ng China Coast Guard (CCG) sa Philippine vessels sa Bajo de Masinloc at Ayungin Shoal kamakailan.
Ito ang kinumpirma ni Department of Foreign Affairs (DFA) Spokesperson Teresita Daza sa idinaos na pulong balitaan sa Malacañang nitong Lunes ng umaga.
“Yes, we used the maritime communication mechanism and it was used yesterday at 12 o' clock noon, the Department of Foreign Affairs launched its diplomatic protest with the Chinese Ministry of Foreign Affairs through a phone call,” ani Daza.
National
Dr. Edsel Salvana, nakatanggap ng 'Innovation Excellence Award for Research' mula sa PhilDev
Binanggit din ng opisyal na naghain na rin ang Philippine Embassy sa Beijing ng demarche kay Chinese Foreign Minister Wang Yi kaugnay ng insidente sa Bajo de Masinloc at Ayungin Shoal.
Ipinatawag na rin ng DFA si Chinese Ambassador to Manila Huang Xilian upang iprotesta ang insidente sa WPS.
