Hindi magpapatupad ng tigil-putukan ang gobyerno sa kabila ng iniaalok na amnestiya sa mga rebelde.
Ito ang paglilinaw ni Armed Forces of the Philippines (AFP) spokesperson, Col. Medel Aguilar sa dinaluhang press conference sa Quezon City nitong Nobyembre 25.
Itutuloy pa rin aniya ng AFP ang pagsasagawa ng security protocols upang matiyak ang kaligtasan ng mga komunidad, lalo na sa mga lugar na naiimpluwensyahan ng mga terrorist group.
“While we are offering this opportunity for them to return the fold of the law, we will continue to exert pressure. We will continue to conduct security patrols. Kasi iyong encounter po, nangyayari naman ito dahil sila ay na andiyan at lumalaban," anang opisyal.
Nagsasagawa rin aniya ng community support programs ang gobyerno para na rin sa kapakanan ng mga residente at upang maitaboy na rin ang mga communist group.
PNA
