Hindi na makakasama pa si DJ Jhai Ho sa talk show na Marites University na kinabibilangan din nina Rose Garcia, Ambet Nabus, at Jun Nardo.
Kinumpirma na ito ng mga kasamahan ni DJ Jhai Ho sa Marites University sa kanilang latest episode nitong Martes, Nobyembre 21.
Ayon kay Jun, opisyal na umanong nag-resign si DJ Jhai Ho sa nasabing show dahil umano sa “conflict of schedules”.
Gayunpaman, lagi pa rin namang welcome si DJ Jhai Ho sa Marites University anytime na gustuhin man nitong bumisita para tsumika.
UP, top university pa rin sa Pinas; Iba pang paaralan sa bansa, pasok sa Asian ranking!
Pero sa Facebook post ni DJ Jhai Ho sa nasabi ring araw, tila magkakaroon siya ng sariling YouTube channel.
“Malapit na Malapit na po ang JHAIHO's SHOWBIZ CHIKA Channel on YT 🥳🥳🥳” sabi ni DJ Jhai Ho.
Dagdag pa niya: “Mas More ang mga Showbiz Pasabog! Mas More ang one on one fave Artista ang makaka chika! Mas More ang mga EXCLUSIVE na mga showbiz balita!!!”
Bago pa man ang mga ito, nauna nang inanunsiyo ni DJ Jhai Ho ang tungkol sa pag-alis niya sa Marites University sa kaniyang Facebook post kamakailan.
Bukod dito, pinasalamatan din niya ang buong team ng Marites University at nagpahiwatig pa tungkol sa kaniyang bagong pasabog.
