“Every stitch, every beadwork was made with love and pride...”
Ito ang saad ng sikat na Filipino fashion designer na si Mark Bumgarner hinggil sa dinesenyuhan niyang evening gown ni Michelle Dee sa 72nd Miss Universe, kung saan tribute daw ito sa Filipina legendary tattoo artist na si Apo Whang-Od.
Sa kaniyang Instagram post nitong Lunes, Nobyembre 20, nagpahayag ng pagmamahal si Mark para kay Michelle.
“We love you @michelledee. Every stitch, every beadwork was made with love and pride, for you and our country,” mensahe ni Mark sa beautyqueen.
Michelle Dee, inihayag bakit si Apo Whang-Od inspirasyon sa evening gown
“We may not have advanced but working with you has been one of the highlights of my career. You brought pride to us all.”
“We wanted to show the world how vibrant our culture is, and I think we did. You did an amazing job,” saad pa niya.
Matatandaang natapos ang journey ni Michelle sa ginanap na Miss Universe nitong Linggo, Nobyembre 19 (Philippine time), bilang Top 10 finalist.
Ang pambato naman ng Nicaragua na si Sheynnis Palacios ang siyang kinoronahan bilang Miss Universe 2023.
