Fans nagbabala sa pekeng socmed account ni Andrea Brillantes-Balita

Binasag na umano ni Kapamilya star Andrea Brillantes ang kaniyang katahimikan matapos maugnay sa kapwa Kapamilya star na si Daniel Padilla, reel at real-life partner ni Outstanding Asian Star Kathryn Bernardo o mas sikat sa tawag na "KathNiel."

Matatandaang napabalita ng showbiz insider at talent manager na si Ogie Diaz na may sitsit mula sa kaniya ang isang source, na umano'y nagkikita nang palihim sina Daniel at Andrea, bagay na ikinaselos daw ni Kathryn; isa pa, maugong daw ang mga bali-balitang nagkakalabuan na ang dalawa.

MAKI-BALITA: Sitsit ng source ni Ogie: Daniel at Andrea, palihim na nagkikita?

Nanggalaiti naman ang fandom ng tatlo kaya kinuyog nila si Ogie at tinawag na "fake news peddler."

MAKI-BALITA: Fans nagwala: Ogie Diaz trending sa X

Nilinaw naman ni Ogie na maging siya, umaasam na hindi totoo ang nabalita niya, na mula naman umano sa kaniyang impormante.

Nag-sorry na rin si Ogie in general kung may nasaktan man siyang mga artista at indibidwal sa kaniyang mga ibinabalita.

MAKI-BALITA: Ogie Diaz sa KathNiel fans: ‘Wag kayong magalit’

Lalong umingay na may "sigalot" sa pagitan nina Kathryn at Andrea nang mapabalitang inunfollow ng una ang huli sa kaniyang Instagram account.

MAKI-BALITA: Kathryn Bernardo, inunfollow si Andrea Brillantes sa IG?

Sa isang X account na nakapangalan sa kaniya ay mababasa ang ganitong X post nitong Sabado ng madaling-araw, Nobyembre 18, "So, rumors are flying around, but let me set the record straight — I’ve always said I won’t play a part in breaking someone’s relationship over baseless speculations."

https://twitter.com/ItsAndreaB_/status/1725560357970944049

Sa panghuli, tila may patama ang kaniyang hirit.

"Been in the shoes of betrayal, and it’s a fit I won’t do on anyone else."

https://twitter.com/ItsAndreaB_/status/1725560360449777714

Photo courtesy: Screenshot from X

Trending sa X ang pangalan ni Andrea Brillantes dahil dito.

Paglilinaw naman ng fans niya, hindi raw kay Andrea mismo ang orihinal na X account o post kundi sa isang poser lamang.

https://twitter.com/BrillantsOFC/status/1725713783048614018

Wala pang sey si Andrea kaugnay ng fake account umano na nagsalita tungkol sa isyu.

Samantala, wala pang tugon, reaksiyon, o pahayag ang kampo ng KathNiel, lalo na si Daniel Padilla, hinggil sa mga isyung ito, bagama’t tila may ilang cryptic posts daw ang huli tungkol dito.

MAKI-BALITA: Daniel Padilla, keber sa isyu nila ni Andrea Brillantes?

COC Filing DAY 5: Mga naghain ng kandidatura ngayong Oktubre 5

Naglabas ng listahan ang Commission on Elections (Comelec) ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Sabado, Oktubre 5, ang ikalimang araw ng filing.Ngayong araw, 12 kandidato sa pagkasenador ang naghain ng COC, habang 23 party-lists ang naghain ng kanilang CONA.SENATORIAL...

Ben Tulfo sa pagtakbo rin niya bilang senador: ‘This is another Tulfo’

Sa kaniyang pagtakbo bilang senador, inihayag ng veteran broadcaster na si Ben Tulfo ang kaniyang kaibahan sa kaniyang mga kapatid na sina Senador Raffy Tulfo at kapwa senatorial aspirant Erwin Tulfo.Nitong Sabado, Oktubre 5, nang maghain si Ben ng kaniyang certificate of candidacy (COC) sa The Manila Hotel Tent City.Sa pagharap sa media ay tinanong ang beteranong broadcaster kung ano ang kaniyang...

Diwata, nabudol nga ba ng sinalihang party-list?

Nagbigay ng opinyon si showbiz insider Ogie Diaz kaugnay sa paghahain ni Deo Balbuena o “Diwata” ng certificate of nominations and acceptance (CONA) para sa Vendors Partylist..Sa latest episode ng “Showbiz Updates” kamakailan, sinabi ni Ogie na naloka raw siya na pumayag si Diwata na maging 4th nominee ng nasabing party-list.“Siyempre dahil baguhan ang party-list na ito ni Diwata,...