Nagpahayag ng pasasalamat si House Speaker Martin Romualdez kay Pangulong Ferdinand “Bongbong” Marcos Jr. para sa naging dedikasyon umano nito sa pagseserbisyo bilang kalihim ng Department of Agriculture (DA).

"I would also like to express my deepest gratitude to President Ferdinand Marcos Jr. for his dedicated service as the outgoing Secretary of Agriculture," pahayag ni Romualdez nitong Biyernes, Nobyembre 3.

"His tireless efforts have laid a solid foundation for the department, addressing crucial issues and setting clear goals to uplift the lives of our farmers and fisherfolk," saad pa niya.

Si Marcos ang pansamantalang nanungkulan bilang kalihim ng DA mula nang maupo siya bilang pangulo ng bansa noong nakaraang taon.

PBBM, itinalaga si Laurel bilang bagong kalihim ng DA

Nito lamang namang Biyernes, inanunsyo ng pangulo ang kaniyang pagtalaga kay Laurel bilang kapalit niya sa naturang posisyon.

Kaugnay nito, inihayag ni Romualdez na umaasa siyang gagawin ni Laurel ang kaniyang tungkulin upang mapaunlad umano ang buhay ng mga Pilipino pagdating sa larangan ng agrikultura.

"It is my hope that Secretary Tiu-Laurel will build on this groundwork to further enhance the lives of ordinary Filipinos, ensuring that the collective interests of farmers and fisherfolk are prioritized," saad ni Romualdez.