Kasado na ang face-to-face mass oathtaking para sa mga bagong psychologist at psychometrician ng bansa, ayon sa Professional Regulation Commission (PRC) nitong Martes, Oktubre 31.
Sa tala ng PRC, magaganap ang naturang in-person oathtaking sa Nobyembre 10, 2023, dakong 1:00 hanggang 5:00 ng hapon, sa Hotel del Rio, MH del Pilar St., Molo, Iloilo.
“All successful examinees who are interested to attend the face-to-face mass oathtaking shall register not later than 12:00 NN of the day prior to the date of the oathtaking at http://online.prc.gov.ph to confirm their attendance,” pahayag ng PRC.
“Inductees shall come in Filipiniana or Barong. Further, kindly PRINT the Oath Form with the generated QR code which will be submitted during the oathtaking in order to be tagged as ‘attended’,” dagdag pa nito.
Pinaos pa: Bayad ng UniTeam kay Andrew E, sinayang lang daw—Guanzon
Inabisuhan din ng Komisyon ang mga dadalo sa naturang in-person oathtaking na magparehistro at kumpirmahin ang kanilang attendance sa mga rehiyon kung saan nila kinuha ang kanilang licensure examination at nais na mag-rehistro bilang mga propesyunal.
Para naman sa mga hindi makakapunta sa nakatakdang face-to-face mass oathtaking, maaari pa rin silang dumalo sa pamamagitan ng isasagawang online oathtaking o mag-request ng isang special oathtaking.
Iaanunsyo umano ang schedule ng online oathtaking kapag naisapinal na ito.
“After the oathtaking, inductees shall proceed with their Initial Registration by securing an online appointment at http://online.prc.gov.ph,” saad ng PRC.
“For more information on the OATHTAKING proper and other details, you may email the Psychological Association of the Philippines (PAP - Western Visayas) at [email protected],” dagdag pa nito.
