Naghayag ng pag-aalala si Batanes lone district Rep. Ciriaco Gato, Jr. kaugnay sa pahayag ng ilang Chinese scholars sa ginanap na symposium.
Anila, "natural extension" umano ng Taiwan ang Batanes, kaya nararapat daw itong mapasailalim sa China.
Kaya sa isang pahayag ni Gato nitong Biyernes, Hulyo 10, iginiit niyang probinsya ng Republika ng Pilipinas ang Batanes.
“Batanes is a province of the Republic of the Philippines. The Ivatans are Filipinos,” saad ni Gato.
Dagdag pa niya, “These are enduring truths established by history, affirmed by our Constitution and laws, and embodied in the identity and collective experience of our people.”
₱7M halaga ng isda, ninakaw at kinatay sa CR!
Ayon sa kongresista, lubha nilang sineseryoso ang anomang pahayag na kumukuwestiyon o nagpapahina sa ganap na soberanya ng Pilipinas.
“Any challenge to our status is not merely a geopolitical provocation; it is an affront to our identity that we will not tolerate,” dugtong pa ni Gato.
Matatandaang nauna nang inalmahan nina Department of National Defense (DND) Sec. Gibo Teodoro at Philippine Coast Guard (PCG) Spokesperson Jay Tarriela ang pahayag ng ilang Chinese scholars.
Maki-Balita: Teodoro, Tarriela pumalag: Batanes, 'natural extension' ng Taiwan sey ng ilang Chinese scholars!
