Castro sa patutsada ni Rep. Duterte: ‘Ba’t parang ako pa may kasalanan?’-Balita

Sinagot ni ACT Teachers Partylist Rep. France Castro ang naging patutsada sa kaniya ni Davao City 1st District Rep. Paolo Duterte patungkol sa kaniyang pagsasampa ng kaso laban sa ama nitong si dating Pangulong Rodrigo Duterte.

Matatandaang iginiit ni Rep. Duterte nitong Miyerkules, Oktubre 25, na bagama’t may karapatan umano ang lahat na magsampa ng kaso, huwag daw dapat maging “balat-sibuyas” ang mga public servant.

"Bakit parang ako pa ang may kasalanan, samantalang buhay ko ang pinagbantaan at muling ni-redtag?" buwelta naman ni Castro sa isang post ng opisyal na Facebook page ng ACT Teachers Party-List nitong Miyerkules.

Sinabi rin ng Makabayan solon na nagsampa raw siya ng kaso laban kay Duterte dahil pinoprotektahan niya ang kaniyang sarili, pamilya, at mga kasamahan.

“Death threats and red-tagging aired on television must be stopped because it endangers the lives of people. It is far different from criticisms and should not be tolerated because it fosters the state of impunity. We have to draw the line," giit ni Castro.

"Dati ang sinasabi ng mga Duterte na kapag may ginawa silang masama kasuhan daw sila. Ngayong kinasuhan naman ay aatakehin pa ang biktima.”

"Besides the onion skin doctrine even in libel cases does not give license to anyone to issue death threats. Legitimate criticism of public officials are valid but what Duterte did was not criticism but threats. Also such a doctrine neither discounts nor diminishes the right of persons to life and safety. Iba ang criticism sa death threat," saad pa niya.

Noong Martes, Oktubre 24, nang ihain ni Castro ang kaniyang criminal complaint laban kay dating Pangulong Duterte.

https://balita.net.ph/2023/10/24/rep-castro-kinasuhan-si-ex-pres-duterte/

Ito ay kaugnay ng naging “death threats” ng dating Pangulo sa isang panayam ng SMNI, kung saan sinabi nitong gagamitin ng kaniyang anak na si Vice President Sara Duterte ang confidential at intelligence funds (CIF) nito para sa Reserve Officers’ Training Corps (ROTC) at upang ihinto umano ang communist insurgency sa bansa.

“Pero ang una mong target sa intelligence fund mo, ‘kayo, ikaw, France (Castro), kayong mga komunista ang gusto kong patayin,” ani dating Pangulong Duterte kamakailan.

?fbclid=IwAR3mSTlWKERkBJzFfunyNf9MYHFPEbpWF4kxlYO4X4tPVjDi-HCPSvxF5fE

Taga-Lanao del Norte, wagi ng ₱37.4M jackpot prize sa SuperLotto 6/49

Isang taga-Lanao del Norte ang pinalad na makapag-uwi ng ₱37.4 milyong jackpot prize ng SuperLotto 6/49 na binola ng Philippine Charity Sweepstakes Office (PCSO) nitong Linggo ng gabi.Sa abiso ng PCSO nitong Lunes, nabatid na matagumpay na nahulaan ng jackpot winner ang winning combination na 20-32-29-31-01-22 kaya’t naiuwi nito ang katumbas na premyong ₱37,462,798.Nabili umano ng lucky...

3 magkakapatid, patay sa aksidente; pamilya ng mga biktima, nanawagan ng tulong

Usap-usapan sa social media ang Facebook post ng isang nagdadalamhating ina matapos umanong sabay-sabay na pumanaw ang kaniyang tatlong anak.Sa naturang post ni Myla Santillana noong Oktubre 20, 2024, kalakip ang isang larawan, makikita ang kaniyang pagluluksa sa tatlong anak.“Patawarin ninyo sana si Mama sa lahat lahat mga anak ko. Walang kasing sakit. Mahal na mahal ko kayo,” saad ni...

Mula WPP: Apollo Quiboloy, nais nang tumakbong senador bilang ‘independent’

Sa gitna ng kontrobersiya sa partidong Workers' and Peasants' Party (WPP), ninais na ni Pastor Apollo Quiboloy na tumakbong senador sa 2025 midterm elections bilang “independent.”Nitong Lunes, Oktubre 21, nang isumite ng abogado ni Quiboloy na si Atty. Mark Tolentino sa Commission on Elections (Comelec) ang kanilang hiling na kumandidato ang pastor bilang independent at hindi na sa...