Nasa balag ngayon ng alanganin ang isang dating empleyado ng Land Transportation Office (LTO) dahil ipinatatawag na ito ng hepe ng ahensya matapos masangkot sa road rage incident sa San Jose del Monte, Bulacan na nag-viral sa social media.
Sa social media post ng ahensya, binanggit na binigyan na nila ng summon si Gregorio Glean upang lumantad sa LTO Central Office ngayong linggo bilang bahagi ng imbestigasyon sa usapin.
Probinsya
Catanduanes, niyanig ng magnitude 6.1 na lindol
“As soon as I watched the video, I immediately instructed the Regional Director of LTO-Region 3 to conduct a thorough investigation into the incident, especially that there was an allegation that the motorist involved is connected with the LTO,” pahayag ni LTO chief Vigor Mendoza II.
Sa paunang imbestigasyon alinsunod sa kautusan ni Mendoza, natuklasan na si Glean ay dating job order employee at nakatalaga sa LTO Driver's Licensing and Renewal Office ng San Jose del Monte, Bulacan.
“I expect him to honor the summon. Failure to do so means that he is waiving his right for all the measures that we would take against him not only as a driver’s license holder but also a former LTO personnel who is supposed to be a model of courtesy and discipline on the road,” banggit naman ni Mendoza.
“Based on the report submitted to my office, this man has long been removed from the LTO before this incident happened. But we will take more actions against him in connection with his abusive behavior on the road. Hindi natin palalampasin ang ganitong klaseng asal sa daan. Tama lang na natanggal sa LTO ang taong ito dahil hindi ganitong ugali ang inaasahan ng ating mga kababayan sa aming mga taga-LTO,” aniya.
Naiulat na inagaw ni Glean ang mobile phone ng nakaalitang delivery rider at ibinato sa kalsada.
Pagkatapos ng insidente, nagmadaling umalis si Glean, lulan ng sasakyan nito.
Kaagad na nag-report sa pulisya ang biktima kaugnay ng insidente.
