Bumisita si Pangulong Ferdinand Marcos, Jr. sa Antique at pinangunahan ang pamamahagi ng smuggled na bigas sa mahihirap na pamilya nitong Biyernes, Oktubre 6.
Nasa 1,000 pamilyang benepisyaryo ng Pantawid Pamilyang Pilipino Program (4Ps) sa San Jose de Buenavista ang tumanggap ng ayuda ng Pangulo.
National
PUP nagbukas na rin ng klase para sa female PDLs ng Manila City Jail
Bukod dito, pinangunahan din ni Marcos ang turnover ng iba't ibang tulong ng pamahalaan sa lalawigan.
Ang ipinamahaging government assistance ay mula sa Department of Agriculture (DA), Department of Social Welfare and Development (DSWD), Bureau of Fisheries and Aquatic Resources (BFAR), Philippine Crop Insurance Corporation (PCIC), Department of Labor and Employment (DOLE), Technical Education and Skills Development Authority (TESDA), Commission on Higher Education (CHED) at Department of Health (DOH).
Sa social media post naman ng Presidential Communications Office, ang ipinamudmod na bigas ay bahagi ng 42,180 sakong smuggled rice na nasamsam ng Bureau of Customs (BOC) nitong nakaraang buwan.
