Tatlong miyembro ng Communist Party of the Philippines-New People's Army (NPA) ang napatay ng militar sa sagupaan sa liblib na lugar sa Leon, Iloilo nitong Biyernes, Setyembre 29.

Inaalam pa ng militar ang pagkakakilanlan ng mga napaslang na rebelde na pawang kaanib ng Sibat Platoon, Southern Front, Komiteng Rehiyon-Panay, ayon sa pulisya.

Sinabi ni Leon Municipal Police chief, Lt. Danilo Noca, ang sagupaan ay naganap sa hangganan ng Brgy. Cagay at Danao.

Idinahilan naman ng 61st Infantry Battalion (IB) ng Philippine Army, nagresponde sila sa lugar matapos makatanggap ng reklamo ng mga residente kaugnay ng umano'y pangongotong ng mga ito.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

“There were three casualties on the part of the NPA and none from the 61st IB. They recovered two M-16 armalite rifles, assorted belongings, and subversive documents,” ani Noca.

Nitong Agosto, isa ring political instructor at finance officer ng kilusan ang nasawi matapos makasagupa ng grupo nito ang mga sundalo sa liblib din na lugar sa naturang bayan nitong Agosto.

PNA