Patuloy na kinagigiliwan ng mga netizen ang kumakalat na "mash-up" o pagsasama-sama ng ilang mga bahagi mula sa awitin/music videos ng social media personality na si Toni Fowler, negosyanteng si Rosmar Tan-Pamulaklakin, at aktor at dating miyembro ng "The Hunks" na si Carlos Agassi.

Makikita sa Facebook page na "Tor" ang ginawang mash-ups sa mga awitin ng tatlo, na ginawa ng mga netizen.

Pumalo na ito sa 2.1M views and counting.

Ang mga kantang pinagsama-sama sa mash-up ay mula sa "Milk Tea" ni Carlos, "Manalamin" ni Rosmar, at "MPL."

'What if may collab sila?' Rosmar, Toni at Carlos bet pagsama-samahin

Umani naman ito ng iba't ibang reaksiyon at komento mula sa netizens.

"Grabing mashup. Life changing..."

"Best collab hahaha."

"Panis, maisasalba nito ang music industry ng OPM."

"Bagong anthem hahahaha."

"Why not magsama-sama sila?"

Well, hinihiritan na nga ng mga netizen na baka may posibilidad na magsama-sama sila sa isang music video?

Samantala, wala pang reaksiyon o pahayag ang tatlong personalidad tungkol dito.