Sa pagdiriwang ng ika-44 anibersaryo ng "Eat Bulaga!" sa ilalim ng TAPE, Incorporated ay inilunsad at pinapanood na rin ang music video ng bagong theme song nito, sa special Saturday episode ng noontime show nitong Hulyo 29, 2023.
Hindi napigilan ng bagong hosts ng noontime show na maging emosyunal nang mapanood na ang kanilang music video.
"All for you dahil 44 na tayo. Para sa mas masayang tanghalian at sa araw-araw na busog ng puso na pagtulong para sa inyo, ito ang bagong kanta para sa bawat Pilipino na naging bahagi ng kasaysayan ng noontime at nakilala po natin sa tawag na Eat Bulaga!," ani Paolo.
Sa kabilang banda, sinabi ni Paolo na nalulungkot sila kapag tinatawag silang "Fake Bulaga."
₱45 per kilong bigas, mabibili na sa NCR simula Nobyembre 11
Pagdidiin ni Paolo, walang peke sa kanilang mga ginagawa at kasiyahang nakikita sa mukha ng kanilang audience.
Bukod sa bagong theme song, inilunsad na rin nila ang bagong game segment na "Word of the Rings" na naihambing daw sa "Pinoy Henyo."
Kung "Oo" at "Hindi" ang isinasagot ng kalahok sa Pinoy Henyo, dito naman ay "Tama" o "Mali."
Samantala, narito ang lyrics ng bagong theme song ng Eat Bulaga!:
Dahil kayo ay nandiyan, hatid namin ang tulong at saya.
Kayong lahat ang dahilan kaya kasama pa rin ang Eat Bulaga!
Tahanang pinakamasaya, Eat Bulaga!
Tahanang pinakamasaya, Eat Bulaga!
Tahanang pinakamasaya Eat Bulaga!
EB? Happy!
Happy? EB!
Hindi ka iiwan, saang sulok ka man ng mundo, kasama pa rin sa tanghalian n'yo.
