‘Cryptic tweet’ ni Janella Salvador, patama nga ba sa Star Magic?-Balita

Usap-usapan ngayon sa social media ang cryptic tweet ng actress-singer na si Janella Salvador na tila patama raw sa “Star Magic.”

Sa tweet ni Janella nitong Sabado, Hulyo 8, mababasa ang,

“Ah k. Noted. ,” saad ni Janella sa kaniyang Twitter post.

https://twitter.com/superjanella/status/1677526442916347905

Bagama't walang ibang tinukoy si Janella kung para kanino o saan ang kaniyang tweet, kapansin-pansin umano ang paggamit niya ng emojis na "star" at "magic wand" na mabilis na iniugnay ng ilang netizens sa Star Magic.

Matatandaan namang hindi namataan ang actress-singer sa ginanap na “Star Magic Catalogue” noong Huwebes, Hulyo 6.

Sa kabilang banda, ayon sa mga chika ng kaniyang followers, hindi raw naisama ng Star Magic si Janella sa front page ng naturang catalogue.

Kaya’t tingin umano ng netizens, dito pumapatungkol ang recent tweet ni Janella.

Samantala, simula kahapon hanggang sa mga oras na ito ay trending pa rin sa twitter ang “JANELLA DESERVES BETTER” dahil dito.

Samu’t saring komento naman ng netizens ang mababasa sa naturang tweet ni Janella na nagbigay-komento:

“Mag Viva nalang kayo ni Liza para reunion niyo with your beshy Julia movie for this three talented actresses.”

“The emojis are Star. Magic. Hmmm??? If you’re thinking of leaving go onto better pastures.”

“Lipat ka na sa Viva mas magiging Star ka doon. Unlike Star magic ngayon di gaya noong panahon ni Mr. M. Ang pangit talaga pamamalakad ni Dyogi. Favoritism talaga.”

“You deserved so much better. Am a big fan of yours and I saw the best of you of how strong person you are. You are so very dedicated in every work you do and you have a beautiful heart that's why many people love you this much.”

“Umalis ka na dyan sa bulok na star magic! Sumama kana kay Julia and Liza! They are not giving you importance despite of your talent and achievements!”

“SPILL THE TEA NAMAN PO MA'AM!”

Habang isinusulat ang balitang ito, wala pang tugon, reaksiyon, o pahayag si Janella o ang pamunuan ng Star Magic at ABS-CBN hinggil sa isyu. Ang Star Magic ay pinamamahalaan ni Direk Laurenti Dyogi.

Matatandaang huling napanood sa telebisiyon si Janella bilang “Valentina” sa teleseryeng "Mars Ravelo's Darna: The TV Series" taong 2022.

72 PDL's ng Manila City Jail, naka-enrol sa PUP Open University

Sa makasaysayang pagkakatapon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...

VP Sara sa running mate na Marcos kung sakaling tatakbo: 'Never again!'

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na 'Marcos' kung sakaling magdesisyon siyang kumandidato sa pagkapangulo sa 2028.Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.Isang media reporter kasi ang...

Speaker Romualdez, tatakbong presidente sa 2028 sey ni VP Sara

ROMUALDEZ FOR PRESIDENT?Sinabi ni Vice President Sara Duterte na tatakbo umano bilang pangulo ng bansa sa 2028 si House Speaker Martin Romualdez. Sa isang ambush interview nitong Miyerkules, Setyembre 18, ayon kay Duterte, sinabi sa kaniya ng mga kaalyado niya sa House of Representatives na pinag-uusapan umano ang tungkol sa impeachment niya at pagkandidato ni Romualdez sa 2028.“Ang sinasabi sa...