‘How about a comma?’

Nagbigay ng mungkahi ang beteranong mamamahayag na si Howie Severino sa bagong tourism slogan ng Pilipinas na "Love the Philippines” upang mag-iba umano ang tono nito mula sa animo’y “blunt command” tungo sa “gentle declaration” ng affection ng bansa sa mundo. 

“How about a comma? Love, the Philippines,” ani Severino sa kaniyang Facebook post nitong Huwebes, Hunyo 29.

“A simple comma would change the tone from a blunt command to a gentle declaration of affection from us to the rest of the world.”

Matapos maligwak ang request: Paolo Duterte, pumayag manatili si VP Sara sa kaniyang opisina

“It’s a slight but meaningful revision that would cause no one to lose face imho,” saad pa niya.

Sinabi naman ng beteranong mamamahayag na ang naturang post ay isang “personal, well-intentioned suggestion” lamang na walang anumang masamang intensyon.

Matatandaang mula sa “It’s more fun in the Philippines,” inilunsad ng Department of Tourism (DOT) ang bagong tourism slogan ng bansa na “Love the Philippines” noong Martes, Hunyo 27, 2023.