Matapos ma-link umano sa beauty queen na si Leren Mae Bautista, tila kinumpirma na ng basketball star player na si Ricci Rivero ang umano'y hiwalayan nila ng aktres na si Andrea Brillantes.

National
Ex-Pres. Duterte, ikakampanya si Quiboloy: 'Marami siyang alam sa buhay!'

Ex-Pres. Duterte, ikakampanya si Quiboloy: 'Marami siyang alam sa buhay!'

Nito lamang Huwebes, usap-usapan sa social media ang Instagram story ng beauty queen kung saan ito ay nirepost umano ni Ricci, na kalaunan ay dinelete.

Sa verified Twitter account ng Kapamilya Online World, inupload nila ang dalawang screenshot na nagpapakitang nirepost ni Ricci ang IG story ni Leren Mae kung saan makikita sila na magkasama at 'yung isa naman ay paglike ni Ricci sa post ni Leren Mae.

"MARITES mainit init na balita! Ricci Rivero is cheating on Andrea Brilliantes???

Ricci Rivero Reposted on his Instagram Story from Beauty Queen Leren Mae Bautista

NOTE: The IG Story is now Deleted and Unavailable! Source: @notursweetcandy," saad sa tweet ng KOW.

screenshot mula sa tweet ng Kapamilya Online World

Nitong Biyernes ng madaling araw, nag-tweet si Ricci hinggil sa kanilang hiwalayan umano ni Andrea.

"I own up to the mistake of not making my relationship status public because I felt there’s no need to add up to what were going through," sabi ni Ricci.

I-respeto na lang daw ang kanilang desisyon para ma-preserve pa umano ang pagkakaibigan nila ng aktres.

"Please respect our decision to keep it to ourselves so that we can preserve whats left of our friendship. I hope let’s stop creating your own versions and dragging other characters into these false accusations," sey pa niya.

Sa huling bahagi ng tweet, humingi ng pasensya si Ricci sa kung anumang "disappointment" ang nagawa nito.

"I am sorry for whatever disappoinments it may have caused you - for everyone’s peace of mind, please allow ourselves to heal and move on peacefully without hate and pain," pagtatapos nito.

screenshot mula sa tweet ni Ricci Rivero

 

Gayunman, hindi nabanggit kung kailan at anong rason ng hiwalayan ng dalawa. Matatandaan noong Marso lamang ay nagsagawa ng "promposal" si Andrea kay Ricci sa concert ng K-pop group na "Blackpink" dito sa Pilipinas.

Magkasama silang nanood sa concert. Napansin nina Rosé at Lisa ng Blankpink ang itinaas na placard ni Ricci, kung saan binasa nila ang nakasulat na “I just wanna ask Ricci Rivero, will you go to prom with Andrea?”

Yes naman ang sagot ni Ricci sabay halik sa noo ng gf, na nagpadagundong naman sa Philippine Arena.

Maki-Balita: https://balita.net.ph/2023/03/27/andrea-brillantes-tinalbugan-paandar-ni-ricci-rivero-noon-sa-concert-mismo-ng-blackpink/

Samantala, wala pang pahayag si Andrea hinggil sa pasabog ni Ricci.

Upon checking sa kaniyang Instagram account, ang huling post niya ay nasa bansang Spain siya.

Bukas ang Balita para sa pahayag ni Andrea.