Nanumpa na ang anak ni chief presidential legal counsel Juan Ponce Enrile bilang hepe ng Cagayan Special Economic Zone (CEZA).
Pinangasiwaan ni Pangulong Ferdinand Marcos, Jr. ang oath-taking ceremony ni Katrina Ponce Enrile bilang Administrator and Chief Executive Officer of the Cagayan Special Economic Zone (CEZA) nitong Miyerkules.
Kabilang din sa pinanumpa ni Marcos sina Mohammed Hussein Pangandaman bilang Administrator ng Authority of the Freeport Area of Bataan (AFAB), at Suharto Mangudadatu bilang Director General ng Technical Education and Skills Development Authority (TESDA).
Nitong nakaraang buwan pa itinalaga ng Pangulo si Enrile. Gayunman, nitong Miyerkules lamang pinanumpa sa kanyang tungkulin.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
“Thank you for the trust, President @bongbongmarcos. I am beyond grateful. This is Katrina Ponce Enrile, newly appointed CEZA Administrator/CEO at your service,” ayon sa Facebook post ng anak ng dating senador.
