Umabot sa “danger” level ang heat index sa 22 lugar sa bansa nitong Lunes, Mayo 29, ayon sa Philippine Atmospheric, Geophysical and Astronomical Services Administration (PAGASA).

Sa tala ng PAGASA, nagkaroon ng mapanganib na heat index sa mga sumusunod na lugar:

1. Infanta, Quezon (47°C)
National



Tinapyasang budget ng opisina ni VP Sara, ‘di na dapat baguhin – Sen. Risa

2. Juban, Sorsogon (47°C)
3. Clark Airport, Pampanga (45°C)
4. NAIA, Pasay City (45°C)
5. Sangley Point, Cavite (45°C)
6. Borongan, Eastern Samar (44°C)
7. Calapan, Oriental Mindoro (44°C)
8. Iba, Zambales (44°C)
9. Port Area, Manila (44°C)
10. Roxas City, Capiz (44°C)
11. Alabat, Quezon (43°C)
12. Catarman, Northern Samar (43°C)
13. Catbalogan, Western Samar (43°C)
14. Daet, Camarines Norte (43°C)
15. Davao City, Davao del Sur (43°C)
16. Hinatuan, Surigao del Sur (43°C)
17. Mulanay, Quezon (43°C)
18. Ambulong, Tanauan, Batangas (42°C)
19. Dagupan City, Pangasinan (42°C)
20. Guiuan, Eastern Samar (43°C)
21. Dauis, Bohol (42°C)
22. Dipolog City, Zamboanga del Norte (42°C)

Ang heat index ay ang pagsukat umano kung gaano kainit ang nararamdaman kapag ang “humidity” ay isinasama sa aktwal na temperatura ng hangin.

Ayon din sa PAGASA, maaaring malagay sa “danger” level ang mga heat index mula 42°C hanggang 51°C dahil posible rito ang “heat cramp” at “heat exhaustion”.

“Heat stroke is probable with continued activity,” saad pa ng PAGASA.

Noong Mayo 24, naitala sa San Jose, Occidental Mindoro ang pinakamataas na heat index sa bansa ngayong taon matapos makaranas ang lugar ng “extremely dangerous” na 53°C.

Matatandaang, dahil sa init ng panahon, ipinahayag ni Senate Minority Leader Aquilino “Koko” Pimentel kamakailan na dapat maglabas ang Department of Labor and Employment (DOLE) ng direktiba na naglalayong bigyan ng ‘work break’ ang outdoor workers tuwing mataas ang heat index sa kanilang lugar.

MAKI-BALITA: ‘Work break’ tuwing mataas ang heat index, ipagkaloob sa outdoor workers – Pimentel

Dahil din dito ay binigyang-diin kamakailan ni House Minority Leader at 4Ps Party-list Rep. Marcelino “Nonoy” Libanan na kinakailangan nang ibalik ang school calendar sa dati, kung saan bakasyon ang buwan ng Abril at Mayo, para umano sa kaligtasan ng mga estudyante.