Hindi nakaligtas sa mapanuring mata ng mga netizen ang tila cryptic Instagram stories ng dating aktres at ngayon ay realtor sa US na si Michelle Madrigal.

Makahulugan kasi ang IG stories ni Michelle na isang quote patungkol sa pagiging masaya ng isang tao sa isang araw, at kinabukasan ay hindi na.

Isa pa, nagbahagi rin siya ng pagiging "strong."

Napansin din ng mga marites na deleted o burado na ang mga litrato, video at posts niya patungkol sa naka-date na afam na si "Kyle" matapos ang hiwalayan nila ng mister.

National

PBBM admin, nagsisilbing ‘totoong kalamidad’ sa ‘Pinas – Maza

Noong Disyembre 2022, ibinahagi pa ni Michelle sa kaniyang YouTube channel ang kuwento sa likod ng pagkakakilala nila ng kasalukuyang special someone na "afam" o foreigner na si Kyle.

Bukas sa publiko ang pag-amin ni Michelle na nakilala niya si Kyle sa dating app na "Hinge".

Ikinatuwa aniya ng aktres ang profile picture ni Kyle sa nabanggit na dating app, dahil kasama nito ang mga chikiting sa ex-partner.

"Nandon yung pictures ng kids niya. I also had my daughter sa profile ko. You could really tell kung ano 'yung character ng lalaki the way they are sa kids nila," sey ni Michelle.

Dahil aniya sa pagiging single mom, walang panahon si Michelle para lumabas at makipagkilala sa iba, kaya nakahiligan niya ang paggamit ng dating apps.

Pag-amin pa ni Michelle, wala pang definite label ang kanilang relasyon, subalit alam nilang pareho nilang gusto ang isa't isa. Kaya nga sila nag-match sa dating app!

"I don't want to put any label dahil hindi naman importante 'yun. We have an understanding. I think we're pretty much on the same page," giit pa ng aktres.

Matatandaang nakilala rin ni Michelle sa dating app naman na Tinder ang estranged husband na si Troy Woolfolk.

Dahil dito, pabirong binansagan pa si Michelle bilang "patron saint of dating apps".

MAKI-BALITA: Matapos makakilala ng afam: Michelle Madrigal, binansagang ‘patron saint of dating apps’ ng netizens