NUEVA ECIJA -- Isang 37-anyos na lalaki na may outstanding warrants ang inaresto ng Nueva Ecija Police sa Manhunt Charlie Operation sa Mariot Hotel, Clark Freeport Zone, Mabalacat City, Pampanga noong Sabado, Mayo 27.
Sinabi ni Police Colonel Richard V Caballero, Provincial Director, Nueva Ecija PNP na dakong alas-7:30 ng gabi nang maaresto ang akusado ng magkasanib na operatiba ng Cabanatuan City Police Station, CIDG Nueva Ecija at iba pang police units.
Ang mga akusado ay mayroong standing warrants of arrest para sa mga kasong paglabag sa RA 10591 (Illegal Possession of Firearms and Ammunitions) na may inirekomendang piyansa na Php120,000.00, Estafa Through Falsification of Public Documents na may inirekomendang piyansa na P72,000.00, at dalawang (2) bilang ng Usurpation of Authority (Violation of Art. 177 of the RPC, As Amended) na may inirekomendang piyansa na P50,000.00 bawat isa.
Nasa kustodiya na ngayon ng Cabanatuan City Police Station ang naaresto.
