Usap-usapan online ang pagbabalik sa tanghalan ng dati nang mahuhusay na finalists ng Tawag ng Tanghalan na sina Eumee Capile at Anton Antenorcruz nitong Biyernes, Mayo 19.
Sa pinakabagong edisyon na TNT Duets, pinabilib ng duo ang mga huradong sina Zsaza Padilla, Louie Ocampo at Jona Viray sa kanilang interpretasyon sa OPM classic na “Araw Gabi.”
Sa kanilang performance, agad na iflinex ng dalawa ang kani-kanilang vocal prowess mula sa kalmadong umpisa ng kanta hanggang sa mga pangmalakasang birit sa dulo.
Nakilala si Eumee sa unang season ng TNT habang si Anton naman ay sumulpot sa ikalawang taon ng parehong reality segment sa It’s Showtime kung saan tumatak ang dalawa bilang mahuhusay na finalists.
Funny pero dark? 'Salarin, Salarin' ng BINI-b10 umani ng reaksiyon
Bilang partners, pinatunayan naman ng dalawa ang muling charm sa audience matapos maging instant viral, at trending ang kanilang performance online, partikular din sa YouTube, TikTok at Twitter.
Pawang mga positibong komento naman ang mababasa mula sa netizens para sa performance ng dalawa.
“One word to describe them: PROFESSIONALS. they sounded like they're just having fun and performing in their own concert,” komento ng isang netizen sa trending performance.
“Grabe not competing, but performance. Grabe ang gagaling talaga walang kupas. Mga lodi ko nung time nila grabe! ”
“If there’s a top 3 TNT best contestant from the before and latest season, no doubt that Eumee is included! That gurllll is VA-KU-LAW promise”
“e are so blessed be to be graced by Eumee Capile kahit sa ibang bansa na sya nakabase talagang pumunta ng Pinas to join TNT Duets and she didn't disappoint. Love you Eumee! You were my first bet as Grand champion nung batch mo.
”
“This is EPIC! Awesome, Anton and Eumee!!! Anton started it so strong, super love!!! And Eumee followed through with such a powerful performance. Fantastic duo!”
Sa YouTube, umabot na sa mahigit 170,000 views ang performance ng duo habang nasa 312,000 views ang inani ng parehong performance sa TikTok.
Sa huli, itinanghal na winner sina Eumee at Anton.
Samantala nitong Sabado, ang dalawa rin ang itinghal na weekly winner matapos awitin naman ang global hit na “You Are The Reason” ni Calum Scott.
