BACOLOD CITY -- Balik-kulungan sa pangatlong pagkakataon ang isang babae matapos maaresto ng pulisya sa buy-bust operation.
Kinilala ang suspek na si Celeste Panaligan, 45, at residente ng Purok Kagaykay, Barangay 2 ng siyudad na ito. Nasamsam sa kaniya ang 62 gramo ng umano'y shabu na may halagang P421,600 sa isinagawang police operation noong Miyerkules, Mayo 17.
Sinabi niCapt. Joven Mogato, hepe ng City Drug Enforcement Unit (CDEU), unang naaresto ngPhilippine Drug Enforcement Agency (PDEA)ang suspek noong 2008 matapos mahuli sa isang drug den.
Pinalaya siya noong 2010 ngunit noong 2017 muli siyang naaresto dahil sa pakikipagsabwatan sa isang iligal na kalakalan ng droga.
Catanduanes, niyanig ng magnitude 6.1 na lindol
Pinalaya siya noong Disyembre 2022 sa pamamagitan ng plea para sa kaniyang ikalawang offense, sabi ni Mogato.
Si Panaligan ay itinuturing na isang high value individual, ayon sa pulisya.
