Tila naeexcite at natuwa ang sikat na social media personality-chef na si "Ninong Ry" sa ibinahaging litrato ni Kapuso comedian Michael V sa Instagram story, kung saan tila siya ang susunod nitong gagayahin sa longest-running at award-winning gag show nitong "Bubble Gang" sa Kapuso Network.
Kitang-kita sa litrato ni Bitoy na tila kuhang-kuha niya ang hitsura ni Ninong Ry, at may caption itong "Kumusta mga inaanak?" Abangan sa #BubbleGang."
"Legit ba idol bitoy???? Naexcite ako!!!!!!! Michael V." caption ni Ninong Ry matapos itong ibahagi sa kaniyang Facebook post.
50.78% examinees, pasado sa Nov. 2024 Licensure Exam for Agriculturists
Marami naman sa mga netizen ang na-excite din at nakaabang na kung paano ipo-portray ni Michael V ang isa sa sikat na social media influencers ngayon.
Kilala si Bitoy sa kaniyang epektibong charater impersonation o pagsasatao ng iba't ibang personalidad, sikat man o likhang-isip lamang.
