Benta ang comment ni Neil Arce, film producer at negosyanteng mister ni Angel Locsin, kasunod ng pag-landing na ni Chie Filomeno sa Instagram ni Jake Cuenca nitong Lunes.
Kaliwa’t kanang comment nga ng kapwa stars ang makikita sa hotness overload na larawan ng dalawa sa isang magazine.
Ito rin kasi ang unang pagkakataon na makikita ang aktres sa Instagram ng aktor matapos ang ilang buwang “pagpapapansin” ni Jake online.
Basahin: Jake Cuenca, walang humpay pa rin sa pa-apoy kay Chie Filomeno – Balita – Tagalog Newspaper Tabloid
Arra San Agustin, ayaw ng may kahati sa relasyon: 'Alam ko worth ko!'
Kabilang sa mga napa-react sa sexy photo ng dalawa sina Kapuso star Carla Abellana, Marco Gumabao, singer Kean Cipriano, at syempre ang nagbubunying netizens.
Kuwela namang segunda ng mister ni Angel na si Neil.
“Pag kinasal kayo tipid kayo pareho sa damit 🤣,” anang film producer na bentang-benta naman sa netizens.
Samantala, sa ngayon ay tila nasa “getting to know each other” stage na ang dalawa kung saan ay walang paglihim na sinabi ng aktor ang paghanga kay Chie.
Isang celebrity power couple na nga ba ang endgame ng dalawa? Ito ang paniguradong inaabangan ng masugid nilang followers sa ngayon.
