Isang Chinese vessel na may kargang nickel ore ang sumadsad sa karagatan sa Eastern Samar kamakailan.
Sa incident report ng Philippine Coast Guard (PCG), nirespondehan ng mga tauhan nito ang pinangyarihan ng insidente sa baybaying ng Barangay Sulangan, Guiuan, Eastern Samar nitong Abril 18 na kinasasangkutan ng MV ZHE HAI 168.
Sa imbestigasyon, galing sa Homonhon Island sa Eastern Samar ang barko at pauwi na sana sa Caofeidian, China, sakay ang nickel ore at 20 tripulante nang maganap ang insidente.
Kaagad namang nagsagawa ng ocular inspection ang mga tauhan ng Coast Guard Sub-Station Guiuan at Marine Environmental Protection Unit (MEPU), katulong ang Department of Environment and Natural Resources (DENR) Guiuan local government unit, sa nasabing lugar.
Catanduanes, niyanig ng magnitude 6.1 na lindol
Walang nakitang bakas ng oil spill sa lugar.
"Today, 27 April 2023, the PCG prepares for the arrival of a salvage team from Singapore to conduct operations. They will temporarily transfer the cargo to a barge and pull out the ship," ayon pa sa PCG.
