Binisita ni Armed Forces of the Philippines (AFP) Chief of Staff Gen. Andres Centino ang mga lugar sa Northern Luzon na pagdarausan ng Balikatan Exercises sa pagitan ng Pilipinas at United States (US).
Isa sa pinuntahan ni Centino nitong Abril 18, ang Lal-lo Airfield sa Cagayan na isa sa staging areas para sa pagsasanay ng mga hukbo ng bansa at Amerika.
Kasama niya sa bumisita sina Philippine Air Force (PAF) Commanding General, Lt. Gen. Stephen Parreño at Northern Luzon Command (NOLCOM) commander, Lt. Gen. Fernyl Buca.
Bukod dito, binisita rin ni Centino ang Naval Base Camilo Osias sa San Vicente, Sta. Ana, Cagayan, at ang 5th Infantry Division sa Gamu, Isabela.
Catanduanes, niyanig ng magnitude 6.1 na lindol
Tiniyak din ng opisyal na tuluy-tuloy ang mga proyekto sa mga nasabing lugar alinsunod na rin sa Enhanced Defense Cooperation Agreement (EDCA) ng dalawang bansa.
