Usap-usapan ngayon sa social media ang video ng isang netizen na si "Eigdod Odnalib Onicev" kung saan makikita ang malakas na pag-ugoy ng duyan, subalit wala namang taong nakahiga o nakasakay rito.
Makikitang nakatingin sa duyang gumagalaw sa loob ng isang barong-barong ang ilang sundalo at sinisipat kung bakit ganoon kalakas ang ugoy nito.
"Sundalo hindi takot mamatay pero takot sa patay," caption ng video.
Mahanap kaya? Lalaking hinahanap nawalay na biological parents, usap-usapan
Sinilip pa ng mga sundalo ang loob at paligid ng bahay para tingnan kung sino ang nag-uugoy at nanti-trip sa kanila, subalit tumaas umano ang kanilang mga balahibo nang malamanh sila-sila lamang ang naroon.
Umani naman ito ng iba't ibang reaksiyon at komento mula sa netizens.
"Baka malakas lang ang hangin o baka may bentilador sa loob?"
"Hindi kaya lumilindol o yumayanig?"
"Baka may ceiling fan hahaha."
"Wala 'yan, baka hangin o may humihila lang forda content."
Mapapansing higit isang minutong walang humpay na umuugoy ang duyan, at malamang na nagpatuloy pa ito, kung hindi lamang nahinto na ang pag-video.
Espiritu nga kaya ito?
---
Nais mo bang mai-feature ang iyong storya o ‘di kaya mayroon kang larawan at video na gusto mong i-share? I-message mo lang kami sa amingFacebookatTwitter!
