Hinikayat ni Tourism Secretary Christina Frasco ang publikong bisitahin ang Puerto Galera sa Oriental Mindoro na nananatili umanong hindi apektado ng oil spill mula sa lumubog na MT Princess Empress sa Naujan, Oriental Mindoro, noong Pebrero 28.
“Puerto Galera continues to be unaffected by the oil spill and it continues to open itself to tourism worldwide,” ani Frasco sa isang pahayag nitong Huwebes, Abril 13.
Upang maipakita rin ang ganda ng Puerto Galero, pumunta rito para sa scuba diving activity si Frasco nitong Miyerkules, Abril 12, kasama ang Puerto Galera Mayor Rocky Ilagan, Undersecretary for Tourism Regulation, Coordination and Resource Generation (TRCRG) Shahlimar Hofer Tamano, at Region 4B Director Zeny Pallugna sa La Laguna Point.
“Napakaganda ng Puerto Galera! We are very hopeful that the message is sent across to everyone that they should come and visit Puerto Galera,” ani Frasco na siyang chairperson din ng Philippine Commission on Sports Scuba Diving (PCSSD).
Catanduanes, niyanig ng magnitude 6.1 na lindol
Ayon pa sa tourism secretary, sa pamamagitan ng pagtutulungan ng mga lokal na pamahalaan at opisina ng Department of Tourism Office (DOT) ay magtutuloy-tuloy ang recovery ng sektor ng turismo sa bansa.
Kamakailan ay isiniwalat ni Frasco na 61 tourist sites sa bansa na ang naapektuhan dahil sa nasabing oil spill.
BASAHIN: 61 tourist sites sa bansa, apektado ng oil spill — DOT
“We are hopeful that through the efforts of the Provincial Government of Mindoro, our local government units, our mayors, our congressmen, as well as the help of the regional office of the Department of Tourism that tourism recovery and transformation under the Marcos Administration will continue,” ani Frasco.
“Notwithstanding the difficulties, the challenges, and the calamities this province has and is facing, the Philippines, including Puerto Galera and Mindoro continues to be a beautiful tourist destination,” dagdag niya.
