Inanunsyo ng Technical Education and Skills Development Authority (TESDA) na maglulunsad ito ng training programs para sa mga mangingisda sa Oriental Mindoro na naapektuhan ng oil spill.
Sa pakikipagtulungan sa Department of Labor and Employment (DOLE), tinatayang 2,900 mga residente sa mga munisipalidad ng Naujan, Pola, Pinamalayan, Gloria, Bansud, Bongabong, Roxas, Mansalay, at Bulalacao sa Oriental Mindoro ang isasailalim umano sa training programs ng TESDA para mabigyan sila ng alternatibong oportunidad na kabuhayan.
Ibinahagi ng TESDA na kasama sa mga nasabing training programs ang Oil Spill Response Training, Meat and Fish Processing, Bread Making, Hog Raising, Dressmaking, Service Motorcycle Small Engine System, Small Engine Repair, Pastry Making, at Sugar Concentration.
Siniguro naman ni TESDA Director General Danilo Cruz na nakahanda ang ahensya na magbigay ng tulong pagdating sa skills training at livelihood programs sa mga residente sa lugar na apektado ng oil spill.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
“Hindi lang temporary employment ang ibinibigay ng DOLE, may component ‘yan na training. Bago ang temporary employment, kailangan ma-train din ang ating mga kababayan sapagkat after ng temporary employment, kailangan nilang magkaroon ng permanenteng trabaho.” ani Cruz.
Ang Competency-based Curriculum (CBC) ng Oil Spill Response Training binuo umano ng Simeon Suan Vocational and Technical College (SSVTC) sa Bansud, Oriental Mindoro.
“TESDA is here to provide relevant training programs as part of the collective action to support the upskilling and reskilling of displaced workers areas and ensure the well-being of all affected Filipinos,” saad ni Cruz.
Nagsimulang kumalat ang nasabing oil spill matapos lumubog ang MT Princess Empress, na may kargang 800,000 litro ng industrial fuel oil, sa Naujan, Oriental Mindoro, noong Pebrero 28.
