Tila may pinasasaringang isang kilalang celebrity si Manay Lolit Solis na nag-resign umano sa ALLTV dahil hindi na umano kinagat ng publiko ang TV program nito.
Sa latest Instagram post ni Lolit nitong Martes, Abril 4, pinasaringan niya ang hindi pinangalanang celebrity.
Saad ni Lolit, "Katawa naman na sabihin meron umalis sa ALL TV at nag tender ng resignation, bakit, meron bang official na declared talent ang ALL TV ? Dahil sa siguro tinatanaw na utang na loob ng mga VILLAR na sinamahan ng isang celebrity nuon campaign , kaya pumayag na sige gusto mo ilagay ang show mo diyan Ok lang."
"Pero para ipilit na ang mga VILLAR ang mag produce ng show hindi nila ginawa dahil nga feeling nila hindi pa handa ang ALL TV para sa isang live show. So go, ilabas iyan sa TV, sige lang," dagdag pa niya.
Willie Revillame, lalayas na raw sa ALLTV?
Ayaw na aniya ng mga viewers ang mga "wala nang ningning na celebrity.
"Hindi pumalo, talagang ayaw na ng viewers, wala ng ningning ang celebrity. Walang sponsor, wala ng drama ang eklay na pagtulong kunwari sa mga may kailangan. Hindi na kinagat ang mga sinasabing big prizes, talagang sawa na ang viewers," ani Lolit.
Tuloy-tuloy pa rin ang pasaring nito aniya baka raw tinablan na ng hiya kaya nag-decide nang tapusin ang programa nito. Ang drama aniya ngayon ay pinili na lang daw ng celebrity na mamuhay nang simple.
"Hay naku, isang araw medyo nauntog na at talagang wala ng puwede pa gawin, or baka tinablan na rin ng hiya kaya nag decide ng putulin ang programa na feeling niya abutin pa ng years. So heto na naman drama, kunwari kusa siyang nag decide na simpleng buhay na lang.
"Wow, nagising na sa reality na laos na, wala na. Kaya hayan, pagbigyan natin, resign kunwari, simpleng buhay, pahinga na lang muna. Sige na nga Gorgy at Salve, pagbigyan na natin. Iyon man lang tanggapin na natin. At sana sa pagtanda niya, hindi niya maging karanasan ang nangyari kay Jopay, sana hindi siya ang sumunod sa Home for the Aged. Pray nyo iyan Salve at Gorgy, bongga."
Bagama't hindi pinangalanan, matatandaang naiulat na nag-file umano ng resignation sa ALLTV ay ang TV host-singer na si Willie Revillame.
Sa latest chika ng ‘Showbiz Now Na’ ni Cristy Fermin sa YouTube, ikinuwento niya na nakatanggap umano siya ng balita mula sa kaniyang source at sinabing nag-file na umano si Willie ng kaniyang resignation sa pamunuan ng AMBS-2.
Ani Cristy, “Nako, grabe po ito. First time niyo po itong maririnig, mapapanood dito sa aming programa, isa pong source ang nakapagbalita sa amin na sumulat na po si Willie Revillame sa pamunuan ng ALLTV, ng AMBS-2, sumulat na po siya, nag-resign na po siya, at wala na siyang kinalaman sa istasyon.”
Ikinuwento pa ng beteranang columnist na dahil sa “utang na loob” kaya lumipat si Willie sa ALLTV na pagmamay-ari ni Manuel Villar.
BASAHIN:
