Dalawang meteor shower events ang maaaring matunghayan ng mga Pilipino ngayong buwan ng Abril, ayon sa Philippine Atmospheric, Geophysical and Astronomical Services Administration (PAGASA).
Sa Astronomical Diary nito, ibinahagi ng PAGASA na ang dalawang astronomical events ay ang Lyrid at Pi Puppid meteor shower.
Tataas umano ang Lyrids sa Abril 23, ngunit maaari itong maobserbahan mula Abril 16 hanggang Abril 25.
“The shower will produce the best display shortly before dawn, with up to 16 meteors per hour,” anang PAGASA. “The value mentioned assumes that the observer is in a clear, dark, moonless sky condition and that the radiant is highest in the sky.”
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Samantala, magiging aktibo naman umano ang Pi Puppids mula Abril 15 hanggang Abril 28, at inaasahang tataas sa Abril 24.
“[It] can be observed after sunset until the shower’s radiant sinks towards the horizon at around 10:10 p.m.,” anang PAGASA.
Pinayuhan naman ng ahensya ang mga Skywatcher na pumili ng “dark observation site” na malayo sa mga ilaw ng lungsod.
Makikita umano sa naked eye ang meteor showers kahit na walang mga gears.
Charie Mae Abarca
