Matapos pangunahan ang paglulunsad ng 'Kadiwa ng Pangulo' sa Pili, Camarines Sur nitong Huwebes, namahagi naman si Pangulong Ferdinand Marcos, Jr. ng iba't ibang tulong ng pamahalaan sa 3,000 pamilya sa naturang bayan.
Isinagawa ang distribution of various government assistance sa Fuerte CamSur Sports Complex sa nasabi ring lugar.
Katulong niya sa pamamahagi ng tulong si Department of Social Welfare and Development (DSWD) Secretary Rex Gatchalian at iba pang kinatawan ng mga ahensya ng gobyerno.
Bukod sa family food packs, namahagi naman ang DSWD ng tig-₱5,000 sa 1,500 na benepisyaryo ng Assistance to Individuals in Crisis Situation (AICS) program.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Nakibahagi rin sa pamamahagi ng tulong ang Department of Labor and Employment (DOLE), Department of Trade and Industry (DTI), Bureau of Fisheries and Aquatic Resources (BFAR), Technical Education and Skills Development Authority (TESDA), at Department of Agriculture (DA).
