Home

Probinsya

Suspek sa pagpatay kay Trece Martires City Vice Mayor Lubigan, timbog sa Antipolo

March 11, 2023

(PNA)

Suspek sa pagpatay kay Trece Martires City Vice Mayor Lubigan, timbog sa Antipolo

By Rommel Tabbad

March 11, 2023

In BALITA Probinsya

Natimbog na ng pulisya ang umano'y pumatay kay Trece Martires City, Cavite Vice Mayor Alexander Lubigan noong 2018.

Sa Facebook post ng Cavite Police Provincial Office, nakilala ang suspek na si Ariel Fletchetro Paiton, alyas "Dagul" at Labuyo" at dating miyembro ng Trece Martires City-Civil Security Unit.

Si Paiton ay inaresto ng mga tauhan ng Trece Martires City Police Station, Antipolo City Police Station, Cavite Provincial Intelligence Unit at Rizal Provincial Intelligence Unit sa Sitio Pantay, Barangay Sta Ana, Antipolo, Rizal nitong Marso 10 batay na rin sa warrant of arrest na inllabas ng Trece Martires City Regional Trial Court Branch 23 sa kasong murder at frustrated murder.

Sa police report, lukmaban pa si Paiton matapos barilin ang mga awtoridad habang siya ay inaaresto, gayunman, gumanti ang mga pulis kaya tinamaan ito sa kaliwang balikat na nagresulta sa kanyang pagkakaaresto.

Matatandaang pinagbabaril si Lubigan habang sakay ng kanyang kotse sa Trece -Indang Road, Brgy. Luciano, Trece Martires City noong Hulyo 7, 2018.

Bukod kay Lubigan, nasawi rin sa pananambang ang driver nito na si Romulo Guillemer.

Narekober kay Paiton ang isang Cal. 45 pistol na may magazine at 16 na bala.

64-anyos, natagpuang patay sa dalampasigan sa Samar

Natagpuang patay ang isang 64-anyos na senior citizen sa dalampasigan ng Brgy. Carayman, Calbayog City, ayon sa isang local news.Ayon sa ulat ng RMN Tacloban, natagpuan ang bangkay ng biktimang pinangalanang 'Dess,' residente ng Purok 6, nitong Miyerkules, Oktubre 9,Sa nakuhang impormasyon, alas-12 ng tanghali nang makita ng kapatid ni Dess na naliligo sa dagat ang biktima. Makalipas...

'Hindi ako nag-iisa sa laban' Abalos, hanga kay Pacquiao

Humahanga 'di umano si dating DILG secretary Benhur Abalos kay dating Senador Manny Pacquiao, na pawang tatakbo sa 2025 midterm elections. Sa isang social media post ni Abalos nitong Miyerkules, Oktubre 9, makikita ang larawan nina Abalos at Pacquiao.'Kasama ang People’s Champ Manny Pacquiao, alam kong hindi ako nag-iisa sa laban para sa bayan. Ako'y humahanga sa puso niya para...

Northern Samar, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Northern Samar nitong Huwebes ng hapon, Oktubre 10, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 5:53 ng hapon.Namataan ang epicenter nito 117 kilometro ang layo sa hilagang-silangan ng Mapanas, Northern Samar, na may lalim na 9 kilometro.Wala...