Kaniya-kaniyang hula ang fans kasunod ng patikim ng streaming giant na Netflix matapos itampok sa isang teaser video ang anim na OG members ng iconic Sexbomb Girls kabilang na sina Mia, Cheche, Rochelle, Jopay, Johlan, at Sunshine.
Muling narinig ang iconic na linya ng girl group sa walong segundo lang na teaser ng Netflix ngayong gabi ng Lunes, Peb. 20.
“Makinig kayo!” mapakikinggan sa maikling teaser ng Netflix tampok ang anim na Sexbomb Girls saliw ang iconic na “Spageti Song” ng grupo.
Landing agad sa trendlist ng Twitter Philippines ang “Daisy Siete” matapos ihirit ng maraming fans ang potensyal na comeback ng patok na palabas.
Jude Bacalso, nanindigang valid complaint pagtawag ng 'Sir' sa kaniya ng waiter
Matatandaang halos labintatlong taon na nang mamaalam ang sikat na drama anthology noong Hulyo 2010 matapos umere ito ng halos pitong taon mula Setyembre 2003 sa GMA-7.
Nagtapos ang programa matapos ang kabuuang 26 seasons.
Narito ang ilang reaksyon ng netizens sa Twitter kasunod ng teaser ng Netflix:
Samantala, wala pang kumpirmasyon hanggang bukas, Martes, Peb. 20, ang proyekto ng OG girl group!
Tiyak na aabangan ng fans ang comeback ng iconic group!
