Bulkang Kanlaon, 10 beses yumanig--Mayon Volcano, nag-aalburoto rin

By Rommel Tabbad

February 20, 2023

In BALITA Probinsya

Nag-aalburoto pa rin ang Bulkang Kanlaon kasunod ng naitalang 10 na pagyanig sa nakaraang 24 oras.

Sa pagbabantay ng Philippine Institute of Volcanology and Seismology (Phivolcs), ang sunud-sunod na volcanic earthquake ay naitala nitong Linggo (Pebrero 19) ng madaling araw hanggang Lunes ng madaling araw.

Gayunman, walang naitalang pagbuga ng abo o usok ang bulkan, ayon na rin sa 24-hour observation period ng ahensya.

Nananatiling namamaga ang bulkan kaya ipinaiiral pa ang alert level 1 status nito.

Pinagbabawalan pa ring lumapit o pumasok ang publiko sa 4-kilometer radius Permanent Danger Zone (PDZ).

Inabisuhan din ang mga piloto na bawal magpalipad ngeroplano at iba pang sasakyang-panghimpapawid malapit sa tuktok ng bulkan dahil sa posibilidad na magkaroon ng phreatic explosions.

Noong Agosto 10, 1996, nasawi ang mountain climber na si Britist student Julian Green at dalawang Pinoy na sina Jamrain Tragico at Neil Perez matapos ma-trap malapit sa tuktok ng bulkan dahil sa matinding pagsabog nito.

Kaugnay nito, isang pagyanig at dalawang rockfall events ang naitala ng ahesya sa Mayon Volcano sa nakalipas na 24 oras.

64-anyos, natagpuang patay sa dalampasigan sa Samar

Natagpuang patay ang isang 64-anyos na senior citizen sa dalampasigan ng Brgy. Carayman, Calbayog City, ayon sa isang local news.Ayon sa ulat ng RMN Tacloban, natagpuan ang bangkay ng biktimang pinangalanang 'Dess,' residente ng Purok 6, nitong Miyerkules, Oktubre 9,Sa nakuhang impormasyon, alas-12 ng tanghali nang makita ng kapatid ni Dess na naliligo sa dagat ang biktima. Makalipas...

'Hindi ako nag-iisa sa laban' Abalos, hanga kay Pacquiao

Humahanga 'di umano si dating DILG secretary Benhur Abalos kay dating Senador Manny Pacquiao, na pawang tatakbo sa 2025 midterm elections. Sa isang social media post ni Abalos nitong Miyerkules, Oktubre 9, makikita ang larawan nina Abalos at Pacquiao.'Kasama ang People’s Champ Manny Pacquiao, alam kong hindi ako nag-iisa sa laban para sa bayan. Ako'y humahanga sa puso niya para...

Northern Samar, niyanig ng magnitude 4.3 na lindol

Niyanig ng magnitude 4.3 na lindol ang probinsya ng Northern Samar nitong Huwebes ng hapon, Oktubre 10, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 5:53 ng hapon.Namataan ang epicenter nito 117 kilometro ang layo sa hilagang-silangan ng Mapanas, Northern Samar, na may lalim na 9 kilometro.Wala...