Siniguro ni Pangulong Ferdinand ‘Bongbong’ Marcos sa publiko nitong Sabado, Pebrero 18, na hindi mawawalan ang Pilipinas ng kahit isang pulgada ng teritoryo nito.
Binanggit ito ng pangulo sa gitna ng lumalalang tensyon sa West Philippine Sea o South China Sea.
Sa kaniyang pahayag sa Philippine Military Academy Alumni Homecoming 2023 sa Baguio City, ibinahagi ni Marcos na nakita niya ang geopolitical tensions na nagbibigay ng banta sa seguridad ng bansa.
Gayunpaman, hindi raw niya hahayaang mawala ang kahit isang pulgadang teritoryo ng Pilipinas.
PUP nagbukas na rin ng klase para sa female PDLs ng Manila City Jail
“The country has seen heightened geopolitical tensions that do not conform to our ideals of peace and threaten the security and stability of the country, of the region, and of the world,” ani Marcos.
“This country will not lose one inch of its territory,” dagdag niya. “We will continue to uphold our territorial integrity and sovereignty in accordance with our Constitution and with international law.”
Sinabi rin ni Marcos na makikipagtulungan siya sa mga kalapit-bansa para masiguro ang kaligtasan ng mga Pilipino.
“As we continue to develop our internal resources, we must pursue a path of prosperity that contributes to goals shared with the international community,” aniya.
“We have cemented our bilateral relations with our allies, with our partners, with our friends. And as we work on translating these investments into material benefits for our people, we must ensure that we continue to preserve the security and the safety of our nation,” saad pa ni Marcos.
